Google ADS

Forcat ajrore japoneze stërvitin me bombarduesit amerikanë

11:50 | 12 Dhjetor 2017
Arbresh.info

Avionët luftarakë japonezë F-15 kanë mbajtur ushtrime të përbashkëta me bombarduesit amerikanë B1-B, F-35 dhe avionët e betejave F-18.

Ushtrimi u bë mbi Detin Lindor të Kinës, në jug të gadishullit korean, njoftojnë Forcat Ajrore Japoneze, transmeton portali arbresh.info

Ky ushtrim ishte më i madhi në një seri të tillësh, që kishin për qëllim t’i bëjnë presion Koresë së Veriut për shkak të testeve raketore balistike, shkruan Reuters.

Nisja e fundit raketore me 29 nëntor, kishte një tip të ri që Veriu tha se mund të godiste cakun në Shtetet e Bashkuara, p.sh në Uashington.

“Stërvitja kishte për qëllim forcimin e operacioneve të përbashkëta dhe ngritjen e aftësive luftarake”, tha në një deklaratë ASDF.

Dy aeroplanë bërthamorë amerikanë B-1B fluturuan nga baza e Forcave Ajrore Andersen në territorin e Guamit në ishullin e Paqësorit të SHBA-ve, të bashkuar me gjashtë F-35 të katër F-18 dhe një avion cisternë nga bazat e SHBA në Japoni./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm